Cambiamos de espazo. Esperamos que para mellor. En 10 segundos enlazarás a nova páxina. Se desexas acceder directamente, pulsa no seguinte enlace. Grazas e desculpa as molestias www.amigosdopatrimoniodecastroverde.gal

29 julio, 2014

ORZAMENTOS PARTICIPATIVOS. 2015


Xuntanza para os concellos pertencentes ao partido xudicial de Lugo: Castro de Rei // Castroverde // Corgo (O) // Friol // Guntín // Lugo // Meira // Outeiro de Rei // Pol // Rábade

31 XULLO // LUGO //
ÁS 19:30 h no SALÓN DE ACTOS DA DEPUTACIÓN
Tamén podes participar dende a web:
www.orzamentosparticipativos.org 
PRAZO ABERTO ata o 10 de SETEMBRO

  

QUÉ SON OS ORZAMENTOS PARTICIPATIVOS?
É un proceso a través do cal a poboación contribúe opinando sobre o orzamento provincial. Os orzamentos participativos permiten ás veciñas e veciños coñecer o orzamento da súa Deputación, determinar as necesidades prioritarias e consensuar as áreas de actuación para o 2015. 

QUE SE DEBATE?
As áreas de xestión implicadas serían:
Fomento do Emprego // Promoción de Novas Tecnoloxías // Desenvolvemento de Políticas Sociais // Mocidade // Coidado do Medio ambiente // Promoción de Actividades Económicas // Infraestruturas // Cultura e Lingua // Cooperación cos Concellos // Promoción de Políticas Demográficas // Fomento do Deporte // Impulso do Turismo // Fomento do Deporte // Impulso do Turismo 

ONDE E CANDO?
O ámbito territorial será toda a provincia de Lugo, convocando Xuntanzas Participativas en tódolos Partidos Xudiciais. Un partido xudicial é unha unidade territorial para a administración de xustiza, integrada por varios municipios limítrofes e pertencentes á provincia.  

  www.orzamentosparticipativos.org // facebook.com/diputacionlugo // @depulugo // www.deputacionlugo.org



Os nosos montes comunais. Xornada técnico-informativa


Poesía completa de Xosé Mª Díaz Castro



26 julio, 2014

VIAXE Á PENÍNSULA DE BEZOUCOS (ARES&MUGARDOS) -2 Agosto 2014


PROGRAMA HORARIO

Saída de Castro Verde ás 8:00 horas ( Ao lado do Pereira)
Ás 8:30 h. na ronda da muralla (Edificio Sindicatos)
Ás 10:00 h. en Mugardos
Percorrido de 9 quilómetros con certa dificultade, inprescindible levar calzado axeitado.

DESCRIPCIÓN:

A viaxe percorre unha área de Ferrolterra con importantes valores ecolóxicos e culturais: a área noroccidental da península de Bezoucos, enclavada no Gran Porto dos Ártabros (1), nome co que se coñecía ao territorio ribeireño das rías do Ferrol, Ares e Coruña, o cal serviu de inspiración á denominación do Lugar de Interese Comunitario (L.I.C.) “Costa Ártabra” –pertencente á Rede Natura 2000-, a cal inclúe a franxa litoral de parte desta península.

O percorrido desenvólvese nunha lonxitude duns 9 quilómetros pola parte noroccidental da Península de Bezoucos, brazo de terra que separa as Rías de Ferrol e Ares-Betanzos.

A ruta escomenzará en Mugardos, vila mariñeira asentada nunha bahía na marxe sur da ría de Ferrol. Seguindo o paseo marítimo e a praia artificial da Bestarruza, chegaremos á Enseada do Baño, onde desemboca o Rego de Roibeiras formando un esteiro que da nome ao pequeno asentamento tradicional que alí se orixinou. A fermosura desta paraxe provocou que se desenvolvese unha urbanización que alterou a outrora beleza inmaculada deste lugar.

Dende eiquí desviarémonos ao oeste, ascendendo en dirección a Montefaro, entrando na parroquia de Cervás do concello de Ares, de cuxo antigo poboamento son testemuñas varios castros e os restos da súa igrexa románica. Nesta ascensión pasaremos ao carón dunha edificación militar abandoada que semella que foi un polvorín ou arsenal, chegando despois ao Mosteiro medieval de Santa Catalina (2).

Próximo a este lugar, atópase o cumio da Bailadora, miradoiro excepcional situado a uns 260 m. sobre a ría de Ferrol, dende onde poderemos contemplar as agrestes ladeiras graníticas que conforman a bocana desta ría, o sistema de fortificacións militares que ao longo do tempo foron construídas para defender a base militar (3), como os castelos da Nosa Señora da Palma e de San Felipe, construídos nos séculos XVI e XVII, evocadores do enfrontamento militar que tivo lugar nas súas proximidades fai pouco mais de 200 anos ... a Batalla de Brión (4).

Pero A Bailadora é tamén un lugar axeitado para aprezar e analizar o resultado doutras intervencións humanas mais recentes, as cales están a mudar a faz da ría: a implantación de grandes industrias (xunto ás navais asentadas antes da década dos setenta, foise consolidando nas últimas décadas do pasado século a metalúrxica de MEGASA –no fondo da ría esganando o antes fermosísimo esteiro do río Freixeiro-), a planta de REGANOSA instalada nas proximidades de varios núcleos poboados do concello de Mugardos, o porto exterior e os enormes recheos e desmontes realizados por mor destas actuacións,....

Trala estancia no miradoiro da Bailadora visitariamos o Mosteiro de Santa Catalina, tralo cal poderiamos comer no propio mosteiro ou nos xardíns existentes ao seu carón.

Tralo almorzo encamiñariamonos cara á Punta do Segaño (remata a ría ferrolá pola súa banda sur), visitando os restos das baterias de Fonteseca e do Segaño, construidas hai pouco máis de 100 anos para protexer a base militar de Ferrol.

Dende o Segaño continuariamos cara ao surés, encamiñándonos á praia de Chanteiro, onde poderemos reposar e incluso bañarnos nas súas claras augas se o tempo o permite. Inmediata a esta praia encóntrase a Capela da Nosa Sra. da Mercede, á que poderemos achegarnos, construcción con carga sentimental para os ferroláns, que no ano 1404 lle ofreceron voto a esta Virxe, en agradecemento pola súa intercesión para frear a peste que daquelas asolou a vila e arredores.

Se o percorridose fai curto, poderiamos aproximarnos a outros lugares de interese,como a chamada Cova dos Mouros e o inmediato castro de Santa Mariña.

Ao final da xornada tornaríamos a Mugardos, onde poderiamos cear ou tomar algo antes de voltar.
--------------
NOTA:
A viaxe farase igual, haxa ou non as 15 persoas. Se somos 15 ou máis haberá autobús, en caso contrario iremos en coches particulares.
Saúdos
Manolo

24 julio, 2014

ACTIVIDADES DO MES DE AGOSTO

-Día 2, sábado, viaxe cultural á zona de Ferrol .
As persoas que desexen participar, teñen que anotarse antes, do 27 de xulllo.
                   (Se non hai, un mínimo de 15 persoas, non se realiza)
-Días 16, sábado, Roteiro desde o Cádavo a Vilabade por Vilaselle.
                    (Anotarse antes do día 10 de agosto)
-Día 17, domingo, participación na Feira Artesá.
             - Teremos  o posto da Asociaición e logo xantaremos na carballeira se está bo día, como todos os anos, cada un leva a súa comida.  Se estivera mal día iríamos a un restaurante.

22 julio, 2014

PuntoGAL. amigosdopatrimoniodecastroverde.gal

A nosa asociación figura entre os primeiros pioneiros do PuntoGAL.

PuntoGAL presenta os 93 primeiros enderezos que poderán activarse co .gal a partir do 25 de xullo

Maís información en:
http://www.puntogal.org/actualidade/nova.php?id=497&lg=gal

20 julio, 2014

II CARREIRA POPULAR

  II CARREIRA POPULAR (20-07-2014)


Varios membros da asociación colaboramos, no día de hoxe, coa II Carreira Popular celebrada en Castro Verde; na que por certo, participaron varios soicos/as, entre eles Saúl Gómez Arrojo, que quedou primeiro na súa categoría, tamén foron  premiadas/os varios membros do Club de Atletismo de Castro Verde,  e  Víctor Poveda, entre outros.

Alguhas fotos:
                                       
                                                      Saúl Gómez Arrojo en acción

   
                                     Algúns dos primeiros clasificados recuperándose do esforzo
                                                     Algunhas das máis cativas recibindo o premio
                               Recibindo o premio (Do club de atletismo de Castro Verde e Friol)
Recibindo o premio
Unhas das máis cativas en acción
VER ÁLBUM:
https://picasaweb.google.com/amigosdopatrimoniodecastroverd/IICarreiraPopular20072014?authuser=0&feat=directlink

19 julio, 2014

ACTIVIDADES TERRAS DO MIÑO 2014 / 3º TRIMESTRE

Informámosvos que un ano máis a Fundación CONAMA outorga un galardón honorífico que distingue as melloras iniciativas do ámbito local a favor da sostenibilidade. O galardón inclúe dúas categorías: menos de 5.000 habitantes e entre 5.000 e 30.000 habitantes ambos inclusive.

Poderán optar a este premio todas as entidades locais de España (concellos, entidades supramunicipales e asociacións) que conten con número de identificación fiscal e que teñan un censo de 30.000 habitantes como máximo.

A presentación de candidaturas poderase facer desde o 1 de xuño ao 3 de novembro de 2014. As entidades que desexen optar a este premio deberán enviar a través da páxina web www.premioconama.org o boletín de inscrición correctamente cumprimentado.

Saúdos,

Andrea Macho Benito
Reserva da Biosfera Terras do Miño
Diputación de Lugo
Tfno: 982 260 046 - Fax: 982 260 212
San Marcos nº 8

RESUMO CONVIVIO DA CULTURA GALEGAS

Convivio da Cultura Galega
12-07-2014
O pasado sábado, día 12 de xullo de 2014, seis persoas da nosa Asociación participaron no Convivio da Cultura  Galega, organizado pola Fundación Manuel María de Estudos Galegos, a Federación Galiza Cultura e a Asociación Cultural e Musical Solfa de Compostela.
Comezou o encontro coa actuación conxunta das Bandas de Música de Solfa, Rábade e Begonte na praza do concello de Outeiro de Rei, despois no Auditorio Manuel María houbo diversas actividades: saúdo da organización, proxeccións de audiovisuais, teatro … e  presentación da Casa Museo Manuel María e visita guiada.
A continuación, camiño da Carballeira de Santa Isabel,  fíxose unha ofrenda floral a Manuel María no cemiterio de Outeiro de Rei.
Xa na Carballeira, ademais do xantar,  houbo música, baile, xogos e contacontos e o goce dunha tarde e dunha paisaxe excepcionais.
Os organizadores na súa comunicación din: “O Convivio nace como espazo de encontro, de amizade e de intercambio absolutamente aberto á participación de todo o asociacionismo de base que hoxe fai, cada quen o seu xeito e desde as súas coordenadas, cultura galega desde nós, por nós e para nós” Houbo unha boa resposta por parte das asociacións acudindo máis de 20.
Representantes das entidades presentes reuníronse pola tarde e puxeron en común os fins e as experiencias das súas asociacións e fixeron propostas de cooperación, co obxectivo de artellar unha rede que lles permita o intercambio de iniciativas no futuro. Moitas das asociacións presentes xa veñen realizando actividades en común e todas se mostraron abertas a compartir as súas actividades con quen tivese interese.
Facilitáronse os enderezos de todas as asociacións presentes, comprometéndose a organización a envialas a todos os participantes.
Ermitas Fernández
    Merece, creo, especial atención a posta en común das/os representantes da trintena de Asociacións Culturais  presentes, sentadas/os en torno ao Monumento, que a Asociación dos Escritores Galegos adicou a Manuel María e que preside a entrada da Carballeira de Santa Isabel. A Posta en Común foi moi enriquecedora e seguida con grande atención: - Representaban ao distintos núcleos de toda Galicia e as distintas épocas, desde a "Agrupación Cultural Francisco Lanza", fundada  en 1970 en Ribadeo, pasando por outras moitas como "Amigos do Patrimonio de Castroverde", xa con nove anos de recorrido, "Lugo Patrimonio", etc. Ultimamente aparecen nombres orixinais, como a "Asociación Cultural e Musical Solfa", moi numerosa, e outras que xa non recordo. Quedamos en compartir a información, empezando por facer unha lista de direccións e aportacións de todos para todos. Como debe ser, empezando pola casa. Pechouse o Acto con unha arenga de Francisco Rodríguez en pro da actualización  e posta de releve da obra xenial de Daniel Rodríguez Castelao, que os Poderes públicos parecen máis bén querer ocultar.  
   Nota final: Eu fun un asíduo lector do SEMPRE EN GALIZA, aínda que hoxe non puiden participar na lectura del, que se celebrou no Museo.    
   Lugo,16 de Xullo de 2014.   Pp.




06 julio, 2014

Asemblea Extraordinaria que tivo lugar onte, día 4 de xullo, en Castro Verde.

Boa tarde!
Achego  os principais puntos que se trataron na Asemblea Extraordinaria que tivo lugar onte, día 4 de xullo, en Castro Verde.

O principal punto era o orzamento participativo

    - Orzamento participativo. Deputación de Lugo

    Comenza a Asemblea informando brevemente, das áreas de xestión no reparto do orzamento na Deputación Provincial para o vindeiro ano 2015, participando varios membros, foronse concretando estes catro puntos, dos once propostos, que logo se someteron á votación quedando o resultado como segue:
     
1) Promoción de Políticas Demográficas: Políticas de freo á despoboamento que sofre a provincia con 20 votos a favor.

2) Fomento do Emprego: Promoción de políticas activas que favorezan a inserción laboral das persoas desempregadas con 19 votos.

3) Desenvolvemento de Políticas Sociais: Atención a persoas desfavorecidas, dependentes o en situación de exclusión social con 18 votos.

4) Coidado do Medio ambiente: Fomento do desenvolvemento sostible e protección dos  recursos naturais con só 16 votos.

Estas propostas levaranse á reunión que terá lugar, o día 31 de xullo na Deputación Provincial.


          En rolda de intervencións tratáronse os seguintes temas.

-Banca Ética, expuxéronse os principais obxectivos e informouse das
   xornadas que terán lugar non mes de outubro. A partir de aí a
   asociación levará este apartado á Asemblea Xeral ordinaria.
-Información do Foro do Camiño.
-Solicitudes ao Concello:   o caso de X. María Fórneas Besteiro  e
  Manuel Cordero e outras solicitudes.
           -Finalmente, lamentouse  o aprazamento da celebración  do
              Irmandamento, que este ano correspondía ao noso Concello. Segundo
              o Sr. Alcalde por razóns da crise no se celebrará.

-Actividades de verán:

-  XULLO, MES DE SANTIAGO OU DA SEGA.
             - 12 de xullo. Convivio da Cultura Galega. Fundación Manuel María
             - 20 de xullo.  Colaborar na Carreira popular.
               -Posibilidade de facer unha viaxe pola costa de Lugo ou
                                   zona de Ares – Mugardos. Finais de xullo.
           PROGRAMA CULTURA ABERTA durante do mes de xullo na
            Deputación de Lugo. (Ver programa non blog amigos do patrimonio)    -        
-  AGOSTO
              - 16 ROTEIRO: O CÁDAVO - VILABADE POR VILASELLE
              - 17 Parcipación na FEIRA ARTESÁ
- SETEMBRO
            - 13 de setembro:  ROMAXE E TEATRO Grupo Rebuldeira.
Estes foron os principais puntos que se trataron.
Saúde, Terra e Lingua
Manolo Muñiz

04 julio, 2014

Cultura aberta 2014


Convivio da Cultura Galega que terá lugar o sábado 12 de xullo durante todo o día en Outeiro de Rei da Terra Chá.

a



Prezadas amigas,
Prezados amigos,

Pola presente comunicación querémosvos convidar formalmente a participar do Convivio da Cultura Galega que terá lugar o sábado 12 de xullo durante todo o día en Outeiro de Rei da Terra Chá.
Organizado inicialmente desde a Fundación Manuel María de Estudos Galegos, a Federación Galiza Cultura e a Asociación Cultural e Musical Solfa de Compostela, coa colaboración da área de Cultura da Vicepresidencia Primeira da Deputación de Lugo, o Convivio nace como un espazo de encontro, de amizade e de intercambio absolutamente aberto á participación de todo o asociacionismo de base que hoxe fai, cada quen ao seu xeito e desde as súas coordinadas, cultura galega desde nós, por nós e para nós.

Eis o que queremos que sexa esta xornada que vos propomos: un encontro onde poidamos coñecernos vernos, falar, compartir experiencias...gozando ao mesmo tempo dalgunhas das máis significativas paisaxes que conforman o espazo físico orixinario do noso poeta nacional Manuel María, a súa Tribo.

Manuel María é, non por acaso, o fío condutor desta proposta: para alén da súa magnífica e polifacética dimensión literaria, o Manuel gastou, literalmente, "o seu corpo nos camiños" como incansábel activista cultural, como construtor imprescindíbel do primeiro asociacionismo cultural galego nacido aínda na clandestinidade obrigada do franquismo. Escoller Outeiro de Rei, o lugar que hoxe acolle a Casa-Museo que alberga todo o seu legado e proxecta a súa vida, obra e pensamento a todo o noso pobo, quere ser tamén unha forma de homenaxearmos a quen tanto debemos.

Achegamos a seguir (tamén no arquivo que se anexa) información sobre a estrutura da xornada, que agardamos sexa do voso interese. É probábel que surxa aínda algunha iniciativa máis, da que informaremos cumpridamente. Pedímosvos ás asociacións que teñades especial conta do encontro da tarde: gustaríamos que asistise unha representación o máis ampla posíbel e que de aí puidesen surxir novas redes de intercambio, colaboración e mutuo coñecemento.

PROGRAMA DO CONVIVIO DA CULTURA GALEGA. Sábado, 12 de xullo, Outeiro de Rei.

10:45 As Bandas de Música de Solfa, Rábade e Begonte recíbennos na praza do concello.
11:00 Palabras de benvida da organización no Auditorio Manuel María.
11:15 Actuación do grupo de teatro da A. C. Medúlio de Ferrol.
11:30 Breve presentación da Casa Museo Manuel María e visita guiada (por grupos). Simultaneamente, proxección de audiovisuais.
12:30 Saída para a carballeira de Sta. Isabel con parada no cemiterio de Outeiro para realizar unha ofrenda a Manuel María. Na carballeira, actuación da Banda de Música de Rábade e Begonte, dirixida por Armando Morales; a Coral e Banda de música de Solfa dirixidas por Francisco Tobar e Fernando Rey, intercalándose con outras manifestacións culturais.

14:00 Xantar demorado para dar tempo a cantar, bailar e conversar (vós traedes a comida e nós poñemos as mesas e cadeiras).
17:45 Para a xente máis miúda: contacontos a cargo de Fabaloba: “O neno e a estrela” (sobre Díaz Castro)
Para o resto: música, xogos, paseo á beira do Miño...
18:45 Actuación musical de peche: Pepe Vaamonde Grupo.

* As directivas das asociacións (e quen quixer...) reuniranse ás 17h para intercambiar experiencias e articular fórmulas de colaboración.
** As asociacións poden levar os seus materiais para mostra e/ou venda (disporán de mesa)

Sobre isto último, os colectivos que teñades interese en aproveitardes esta opción e expor ou vender os vosos materiais comunicádenolo para así termos unha previsión de cantas mesas precisamos colocar. Tamén vos agradecemos que nos indiquedes previsión de xente que quererá acudir ao xantar (para facer previsión do espazo necesario).
Agradecemos toda a difusión posíbel entre os vosos contactos. En Facebook creamos un evento desde o que podedes convidar libremente a todos os vosos contactos e compartir nos vosos perfís: https://www.facebook.com/events/259922790867047/?source=1
Ficando ao voso dispor, recibide unha moi cordial aperta
Teléfono de contacto: 698 177 621 (Fran) | fundacion@manuelmaria.com